postur 1
vidburdir 1
greinasafn 1

Velkomin á vef Námsflokka Reykjavíkur

Husid

 

 

 

 

 

 

 

 

 

Á þessari síðu er að finna ýmsar upplýsingar um starfsemi Námsflokkanna. Svo lengi lærir sem lifir!

Markmið Námsflokkanna eru að veita fólki tækifæri til að bæta menntun sína, að fylla upp í þau skörð í fræðsluframboði sem eru í hinu almenna fræðslukerfi og styðja þá sem borið hafa skarðan hlut frá borði í skólanámi, auk þess að auka grunnmenntun og bæta félagslega stöðu almennings sem er eigandi Námsflokkanna.

Aldrei of seint

Útskrift

Miðvikudaginn 18. desember var útskrift hjá Námsflokkum Reykjavíkur. Útskrifuðust tæplega 70 nemendur með sóma. Óskum við þeim öllum til hamingju með þennan merka áfanga.

Hagnýt enska

Hagnýt enska: Yes og no, og thank you er ekki nóg þegar á reynir. Til að ná hagnýtri kunnáttu í ensku hvort sem það er hérna heima eda erlendis þá er þetta námskeið fyrir þig.

Enska hallo

Fatahönnun og silkiþrykk

Fatahönnun: Nemendur læra að hanna og sauma einfalda flík samkvæmt grunnsniðum. Hægt verður að skreyta flíkina með aðferð silkiþrykks.

Silkiþrykk: kennt verður einföld aðferð til silkiþrykks þar sem notuð er stensil aðferð.  Nemendur skera út stensil/sniðmát sem svo er límt á silkiþrykksramma. Prentlitir eru innfaldir í námskeiðisgjaldinu, svo og glærur. Aðeins þarf að mæta með nóg til að prenta á, en hægt er að prenta á efni, föt, púða, tösku og hvað sem er.

Silkithrykk

Sögur, ljóð og hreyfimyndagerð

Sögur og ljóð: Markmið námskeiðsins er að opna augu nemenda fyrir hinu myndræna í texta. Við lesum ljóð og sögubrot með sérstakri áherslu á myndmálið. Skoðum hvernig orð breytast í myndir og myndir í orð. Nemendur vinna áhugaverð verkefni þar sem áhersla er lögð á samvinnu.

Hreyfimyndagerð: Grunnatriði í hreyfimyndagerð. Kennt er á forritið StopMotion Pro og búið til myndskeið sem svo flutt yfir í forritið MovieMaker. Farið verður yfir undirstöðuatriði í klippingu og tónlist og titlum bætt við myndskeiðið. Sé áhugi fyrir hendi verður unnið með viðfangsefni úr sögu- og ljóðahlutanum.

 

Hreyfimynd

Íslenska og Illustrator

Íslenska: Hvernig væri að lesa bók sér til yndis og ánægju? Lesin verður stutt skáldsaga og rýnt í hana út frá ýmsum sjónarhornum. Hægt verður að tengja verkefnavinnu skáldsögunnar við Illustrator.

Illustrator er forrit sem notað er af grafískum hönnuðum til að setja upp efni fyrir prent og net. Forritið býður uppá ótrúlega spennandi leiðir í uppsetningu. Farið verður yfir grundvallaratriðin í Illustrator og kennt hvernig hægt er að setja upp grafík t.d. plakat á einfaldan hátt m.a. með því að nýta sér gögn af neti og breyta ljósmyndum yfir í grafík á einfaldan hátt. Athugið að enginn undirbúningur er nauðsynlegur.

 

Lestur

Fleiri greinar...

Suðurlandsbraut 32, 108 Reykjavík

Sími: 411-6540

Netfang: namsflokkar[hjá]rvkskolar.is

Skrifstofutími frá 09:00-13:00 alla virka daga