Námskraftur hefst fimmtudaginn 11. janúar kl. 10 á kynningu og hópefli, nemendur eru búnir kl. 12: Sjá annaryfirlit hér.

Föstudaginn 12. janúar er bókakaupadagur og því ekki mæting í Námsflokkana: Sjá bókalista hér.

Mánudag 15. janúar kl. 8:30 hefst byrjunarstundaskrá þar sem farið verður í skyndihjálp og henni lokið með prófi fimmtudaginn 18. janúar til að ljúka einni einingu. Byrjunarstundaskráin er frá 8:30-12:30, mánudag, þriðjudag, miðvikudag og fimmtudag. Sjá stundaskrár hér. 

Föstudaginn 19. janúar kl. 8:30 hefst vetrarstundaskrá. 

Enn er opið fyrir umsóknir og hægt er að sækja um hér.

Dagana 1.-3. nóvember komu sex kennarar frá Írlandi í heimsókn. Fengu þeir kynningu á öllum helstu verkefnum Námsflokkanna. Gestunum var hugleikið hvernig hlúð er að nemendum Námsflokkana í gegnum list- og verkgreinar og sjálfsstyrkingu, auk þess sem þeir höfðu mikinn áhuga á starfsþjálfun og uppbyggingu íslenska menntakerfisins. Einnig sátu þeir í tímum og fengu þar til að mynda kynningu á Egils sögu og víkingur í fullum skrúða kom í heimsókn. Jafnframt heimsóttu þeir Fablab, skoðuðu snyrtideild Fjölbrautaskólans í Breiðholti og kynntu sér starfsemi Fjölsmiðjunnar.

Gestirnir kynntu sinn skóla, Templemore College í Tipperary, sem liggur á mörkum framhaldsskóla og háskóla og sinnir bæði ungu fólki og fullorðnum. Er það von okkar að við eigum eftir að heimsækja skólann í framtíðinni.

Þá erum við með námskeiðið fyrir þig!

Á tímabilinu 31. október-16. nóvember verða kenndir saumar hjá Námsflokkum Reykjavíkur, ef þátttaka verður næg. Kennt er á þriðjudögum og fimmtudögum frá kl. 11:15-13:15.

Kennari er Íris Berg, fatahönnuður. Kennslan er sniðin að þörfum og getu hvers og eins og við getum lofað skemmtilegri samveru 😊

Námskeiðið kostar 22 þúsund, án efniskostnaðar.

Við minnum á haustfrí nemenda, föstudaginn 20. október og mánudaginn 23. október.